Cunha boa e fresca mañá arrancamos o concorrido Camiño do Mercado 1950 dende o polideportivo do Sanguiñal (Tallara).
Acompañados de Rosa -a estraperlista- fomos vivindo escenificacións daquel entón como: a subida do millo ao hórreo (casa de Blanco), o asalto de Barriga Baldeira a unha vendedora, o cego do pontellón cas súas adiviñas e o encontro cas leiteiras, ata rematar no mercado.
Alí esperábanos as vendedoras, lavandeiras, canteiro, cesteiro, etc...acompañados pola parella da Garda Civil a cal poñía orde nun mercado con algún que outro pillaban que andaba na procura de sacar proveito do alleo. O cego co son da súa frauta e as lavandeiras amenizaron o momento.
Un chocolate con churros e moitas conversas entre sendeiristas, actores e veciños do lugar puxeron fin a esta boa mañá.
Agradecementos ao grupo de teatro, veciños e familia do lugar, ao concello de Lousame (en especial a Oute) e aos sendeirista pola vosa multitudinaria participación..... neste caso xa non contamos os pes, pero debeu haber máis de catrocentos ; ))
Neste enlace podes ver fotos desa saída https://www.dropbox.com/sh/nss8jixbr2d6cpx/OjU1AzmijP
Neste enlace hai un álbum de fotos da Voz de Galicia (de Monica Ferreiros) http://www.lavozdegalicia.es/album/barbanza/2013/12/06/mercado-tradicional-tallara/01101386350783976118316.htm
Quen teña máis fotos e as queira compartir as pode enviar ao email vintedouspes@gmail.com