lunes, 26 de junio de 2017

A próxima ruta do CMB Vintedouspés será o 23 de xullo

En principio será pola ribeira de varios ríos no Concello de Touro. Dentro duns días poñeremos máis información. Terá moita sombra.

domingo, 25 de junio de 2017

Parabéns aos nosos socios Moncho e Concha

Parabéns aos nosos socios Moncho e Concha por participar na andaina dos 100 km e facer moi bo tempo: 100 kilómetros en 18 horas e 45 minutos.

Se hai máis socios que participaron mandade email e foto e ampliamos os parabéns.

domingo, 28 de mayo de 2017

18 de xuño do 2017 ruta do río Barragán


Senda da Fraga do río Barragán
Puntos de encontro:
Ás 8 en Boiro, na Avda. da Constitución, diante da Casa da Cultura
Ás 8.15 na rotonda onde hai gasolineira de Repsol, cerca de Catoira.
Ás 9.20 na igrexa de Moscoso (Pazos de Borbén)

  • Distancia: 19 km
  • Dificultade moderada
  • Duración: 6 horas

Descrición:

Saímos de Moscoso para dirixirnos á parroquia de Xunqueiras, pasando por As Lombas, onde se poderán ver fermosas carballeiras.

A continuación, seguimos por A Levada das Maruxas ata a Ponte de Pau e de aquí á Freaza ata chegar As Chans de Queiron, no nacemento do río, nos límites dos municipios de Fornelos de Montes e Mondariz.

Baixamos e seguiremos o río durante varios quilómetros, onde atoparemos o Muíño Vello, o Muíño Novo e o Muíño do Abade, ata chegar a presa de Eiras (que abastece a cidade de Vigo).

Á altura dos pasos de Portaramil, no límite dos concellos de Pazos de Borbén e Fornelos de Montes, subimos A Cidade, un antigo castro onde reconstruíron A Casa da Raíña.

Seguindo a ruta chegamos o Coto do Castro, con moi boas vistas.

Xa de volta pasamos pola parte superior dun acueducto e seguimos pola súa levada ata atopar un camiño ente muros de pedra que nos levará a Moscoso, onde comezamos a ruta.

Como nesta ruta chegamos de volta ao Barbanza máis tarde do habitual aconsellamos que cada un dos participantes leve algo para comer (comida lixeira) nunha parada que se fará na ruta.

No camiño de volta en coche pódese parar no Castelo de Soutomaior e en Ponte Sampaio.

Para participar é obrigatorio estar federado en montañismo (polo motivo de ter un seguro que cubra posibles accidentes ou rescates), Se estás federado en montañismo noutro club podes asistir á ruta pagando 2 € e deberás mostrar o carné. Se non estás federado e queres federarte con nos tes unha entrada do blogue no que se explica http://vintedouspes.blogspot.com.es/2015/12/licenzas-federativas-2016.html

Se queres anotarte chama por teléfono aos números 615 637 227 ou 616 523 902; ou manda un email a: vintedouspes@gmail.com. Prégase ser puntuais. Deberase respetar o medio ambiente.


Haberá unha persoa que vaia poñendo o ritmo por diante e outra por detrás que se deberán respetar. Se busca que o grupo vaia compacto, se pon un ritmo medio, se eres dos que so disfruta andando rápido non te sentirás cómodo neste grupo e se eres dos que vas lento ou non tes un mínimo de forma física tampouco deberías participar pois farías que o resto do grupo tivera que ir agardando por ti.

Seguimos máis ou menos o pr-g 164, neste enlace está o track https://es.wikiloc.com/wikiloc/view.do?id=8377191

As fotos son de Paco e Mario
























jueves, 4 de mayo de 2017

28 de maio: ruta polo rio Vilacoba e monte Aguieira (Lousame)

Agradecer ao Concello de Lousame que se enteraron de que iamos facer esta ruta e se puxeron a limpala.

Puntos de encontro ás 8 e 5 en Boiro (sitio de costumbre), ás 8 e media diante da Casa do Concello de Lousame en Portobravo
Dificultade: media-baixa.
Duración estimada: entre 5 e 5 horas e media.
Entre 17 e 18 km.

No primeiro tramo da ruta, pola beira esquerda do río, dende Brandia ata Soutorredondo, o Vilacoba discorre manso e tranquilo polo medio dun frondoso bosque de ribeira que lle da sombra ata chegar á piscifactoría de Soutorredondo.
     En Brandia, no comezo da ruta, na área recreativa que se habilitou coa restauración de dous muiños preto das casas desta aldea, temos a poucos centos de metros as ruinas da primeira fábrica de papel das catro coas que imos topar ó longo do noso percorrido; esta fábrica foi trasladada nos anos setenta a Vidán, preto de Santiago. O camiño neste tramo pódese facer algo lento polas dificultades do terreo en algún anaco, aínda que hai pasarelas en sitios difíciles, especialmente ó chegar á altura da aldea de A Albariza.
     Ó alcanzá-la seguínte aldea (O Castro) temos, a uns cen metros da beira esquerda, as aínda impresionantes ruinas da maxestosa fábrica de papel de Fontán. Neste tramo, e debido a que o río non salva desniveis importantes, o curso do mesmo chega a formar algunha pequena praia fluvial como a que atopamos un pouco antes da aldea de Cerquides, preto das ruinas da fábrica de papel da Galiñeira, a terceira no noso camiño. Este traxecto é fácil de andar, e moi apropiado para disfrutar do solitario e frondoso entorno polo que transcorre.
     O cauce volta a incidir sobre o terreo ó pasa-la Piscifactoría de Soutorredondo, despois de retomar o camiño pola beira dereita do río, á altura desta aldea hai uns afloramentos graníticos que a auga foi erosionando dando lugar a unha serie de pozos ou piscinas (Pozo das Vacas, Pozo Negro), moi frecuentadas por bañistas no verán. Nesta impresionante paisaxe que forman os pozos coa vexetación de ribeira e a morfoloxía do terreo, temos varios muiños pertencentes á aldea de Lesende, o da Fonte e o de Calistro. Será salvando estes rápidos cando cheguemos á ponte medieval de A Gaiteira, que comunicaba a aldea de Aguieira coa igrexa de Lesende, parroquia á que pertence. A ruta continúa subindo pola ribeira dereita do río cara á ponte de Vilacoba, atopando no medio o Pozo da Escaleira, tamén moi visitado no verán polos mozos do contorno. O camiño volta a ser bastante doado unha vez deixadas atrás a subida a Lesende e o tramo de pozos (información tomada da páxina web do Concello de Lousame).
     Ó chegar á ponte de Vilacoba desviámonos cara ó monte Aguieira, onde agardamos poder disfrutar dunha bonitas vistas e dirixirémonos cara o punto de inicio.

Para participar é obrigatorio estar federado en montañismo (polo motivo de ter un seguro que cubra posibles accidentes ou rescates), Se estás federado en montañismo noutro club podes asistir á ruta pagando 2 € e deberás mostrar o carné. Se non estás federado e queres federarte con nos tes unha entrada do blogue no que se explica http://vintedouspes.blogspot.com.es/2015/12/licenzas-federativas-2016.html

Se queres anotarte chama por teléfono aos números 615 637 227 ou 616 523 902; ou manda un email a: vintedouspes@gmail.com. Prégase ser puntuais. Deberase respetar o medio ambiente.

Haberá unha persoa que vaia poñendo o ritmo por diante e outra por detrás que se deberán respetar. Se busca que o grupo vaia compacto, se pon un ritmo medio, se eres dos que so disfruta andando rápido non te sentirás cómodo neste grupo e se eres dos que vas lento ou non tes un mínimo de forma física tampouco deberías participar pois farías que o resto do grupo tivera que ir agardando por ti.
Neste enlace está o track da ruta https://es.wikiloc.com/wikiloc/view.do?id=18022340

As fotos son de Domingo e Paco.






















camisetas

Despois de sondar quen quería camisetas e dar a opción de probalas agora vamos a encargalas:

Quen queira camiseta deberá:
-mandar email indicando a talla (aínda que xa o indicara antes)
-ingresar 13 € na conta do club ES2520800310553000121101 (Abanca), deixando constancia do nome da persoa.
Hai de prazo ata o 19 de xuño   

As camisetas miden de sisa a sisa:
talla s 51 cm
talla m 54 cm
talla l 58cm
talla xl 60 cm
talla xxl 61 cm



martes, 11 de abril de 2017

Tres días de sendeirismo pola Ribeira Sacra. 29, 30 de abril e 1 de maio

trintaecincocorazóns sentiron a ribeira sacra con vintedouspés

vintedous miradoiros
vintedous rios
vintedous verdes
vintedous bicas
vintedous castiñeiroscasimilenarios
vintedous pratos
vintedous mosteiros
vintedous miradas
vintedous subidas
vintedous bicos
vintedous palabras
vintedous chuvieiras
vintedous cucos
vintedous silencios
vintedous apertas
vintedous chistes
vintedous cervexas
vintedous alfombras
vintedous ventás
vintedous olores
vintedous sorrisos
vintedous restaurantes
vintedous fotos
vintedous estrelas
vintedous gargalladas
vintedous camas
vintedous sons
vintedous impresionantes
vintedous ......................
vintedous ......................
vintedous ......................
vintedous pés.


RUTA DO CANON DO RÍO MAO (sábado 29 de abril)

Esta ruta circular do Concello de Parada de Sil, é unha das máis atractivas da Ribeira Sacra.A ruta percorre o Canón do río Mao, dende San Lourenzo ata a ponte romana de Conceliñas, aproveitando a canle abandonada da antiga central hidroeléctrica. Este tramo discorre no seu maior parte pola propia canle, que percorre o canón a media ladeira cunha pendente moi suave. Atoparemos as tumbas antropomórficas de San Vitor, escavadas na roca, muíños e a ponte romana de Conceliñas.
O resto do percorrido, xa aloxándonos do canón, discorre por camiños de carro, con muros a ambos os dous lados, atravesando carballeiras e pasteiros, e con boas vistas do Canón do Sil en varios puntos. Visitaremos os núcleos de Forcas e A Miranda, pobos de montaña ben conservados e regresaremos a San Lourenzo.

Seguimos a ruta oficial PR-G 177 Ruta do Canón do Río Mao, do Consorcio de Turismo Ribeira Sacra. 15,92 km. Circular. https://es.wikiloc.com/wikiloc/view.do?id=10201821
































CANÓN DO SIL-SANTA CRISTINA (domingo 30 de abril)


Esta ruta circular, empeza e termina na Praza do Barquilleiro, no pobo de Parada de Sil. Debido á proximidade da Praza do Barquilleiro e Fondo de Vila, pódese dividir a ruta en dous tramos tamén circulares mediante unha variante.  Isto permite reducir o percorrido á metade.
O carreiro transcorre maioritariamente por camiños de carro, entre muros, que percorren a paisaxe do borde do canón, entre unha abundante vexetación onde predominan os carballos e os castiñeiros.
Boa parte do percorrido realízase de maneira paralela ao Río Sil, e atoparemos varios miradoiros no percorrido, o que nos permitirá gozar das espectaculares vistas, e dos tradicionais viñedos dispostos nas paredes do canón.
Un dos puntos máis interesantes do percorrido é o mosteiro de Santa Cristina, que se atopa escondido no medio dun souto de castiñeiros. Pódese visitar todo o ano, aínda que a igrexa só está aberta no verán e algúns fins de semana.

Seguimos a ruta oficial, pero en sentido contrario, PR-G 98 Canón do Sil - Santa Cristina de Consorcio Turismo 17,64 km. https://es.wikiloc.com/wikiloc/view.do?id=5654077













































RUTA DE MAQUINO LARGAÑO (luns 1º de maio)

Este percorrido circular iníciase no pobo de Luíntra, capital do Concello de Nogueira de Ramuín. O percorrido resulta moi variado nas paisaxes, pasando por carballeiras, bosques de bidueiros, leiras e poboacións. A ruta discorre principalmente por camiños e pistas de terra entre arboredo, con pendentes suaves. Visitaremos varios pobos do municipio, as mámoas de Moura, o Mosteiro de Santo Estevo de Ribas de Sil e un tramo do canón do Sil pertencente á Rede Natura.
Seguimos a ruta oficial PR-G 178 Ruta de Maquino Largaño.14,77 km, circular https://es.wikiloc.com/wikiloc/view.do?id=10153320















As fotos son de Paco, Eduardo e Domingo. Neste enlace (pinchado nas carpetas) tedes máis fotos de Eduardo e Domingo https://drive.google.com/drive/folders/0B8xJbscwa56VeURlWjkydXdHUkk

A información das rutas foi facilitado polo Consorcio de Turismo da Ribeira Sacra